Moskva vilayətində 16 yaşlı bir yeniyetmənin bank filialında yanğın törətdiyi bildirilir. Hadisə yerinə gələn hüquq-mühafizə orqanları gənci dərhal saxlayıblar.
Regional prokurorluğun mətbuat xidmətindən verilən məlumata görə, gənc oğlanın bu addımı atmasında kuratorların təsiri olduğu ehtimal olunur.
Prokurorluqdan verilən açıqlamada bildirilir: "Krasnoqorsk Şəhər Prokurorluğu, Putilkovo qəsəbəsində yerləşən bank filialında baş verən yanğın hadisəsi ilə bağlı istintaqı nəzarətə götürüb. İlkin məlumatlara əsasən, 16 yaşlı bir gənc, tanımadığı şəxslərin telefon vasitəsilə verdiyi təlimatlara əməl edərək, bank şöbəsinə bir kanistr benzin gətirib və ətrafa səpərək yandırıb."
Hadisə nəticəsində xəsarət alan şəxs qeydə alınmayıb.